دیوانی ماموستا بیسارانی چراغم به چین

#‌دیوانی_بێسارانی #‌چڕاغم_بە_چین

چراغم بە چین...


ئەرچینی زوڵفت بدەو بە ماچین
ئەر یە کتای زوڵفت بدەو بەگرد چین
کافر بوو ئازیز بەربشو جەدین


ئەر قەوسی ئەبرۆت بدەو بە حیجاز
ئەر موژەی دیدەت بدەو بە شیراز


ئەر بەینت بدەو بە خەتاو خوتەن
ئەر ڕێزەی ڕازت بدەو بە ئەرمەن


ئەر لەبی لاڵت بدەو بە کشمیر
ئەر بدەو بە هیند سیلسیلەی زنجیر


ئەر سیبی زەنەخ گوڵ خونچەی دەهان
بدەوش بە یەکسەر تەمامی جیهان


ئەر پاوو پوزت بدەو بە گە نجە
ئەر بدەو بەمیسر ئەو دەست و پەنجە


ئەر بەژنی باڵات بدەو بە ئێران
سەد هەزار کەڕەت یانەم بۆ وێران


سەراسەر عومرم گرد شۆ بە تاڵان
جاگەم نەبەڕ بۆ نەپای ئەوداڵان


پەی چێش جەلای من باڵا زەڕستوون
تەنیا تۆ هەنی نە ڕووی دنیای دوون.


بێسارانی