مصايب هالسفر قحطان البديري _ اصدار شهر محرم الحرام 1445 هـ

[ #‌مصايب_هالسفر]

أداء | #‌قحطان_البديري

طور و كلمات | المرحوم الملا عطيه الجمري

من قصائد إصدار (#‌صرت_ملكه) - #‌محرم_الحرام_1445 هـ

#‌قحطان_البديري
#‌Qahtan_Al_Budeiri
#‌محرم1445

نص القصيدة :
لو رِدِت يحسين افصّل لك مصايب هالسّفر
يوم ما يمكن أعدّد يا خليص او لا شهر
ذاب جسمي امْن السّرا و انعمت عيني امْن السّهر
هضمني ابن زياد يَبن امّي او شهرني ابْكوفته
اوگفت جدّامه منَكْسَه الرّاس لكن يا شهيد
ما شفت ذلّه يَبَعد اهلي مثل مجلس يزيد
گومه ايسومون سكنه اعزيزتك سوم العبيد
ننسحب كلنا بحَبل وابنك انجرحت رگبته
خويه چم سوگ ادخلتها او چم مدينه او چم بلد
وجيت بيتامك على گبرك ولا ليّه جلد
وتدري بركوب الجمل ينحل يخويه للجسد
وين ابو فاضل كفيلي وصّلوني الحفرته
گامت اتصب الدّمع وايتامها اوياها تدور
للشّريعه گاصده اتدوّر أبو فرجه الغيور
واوگعت فوگ الگبر والگلب بحزانه يفور
صاحت اگعد يا كفيل اللي طلعت ابذمّته
تطْلعوني من اخدوري يخْوتي او ذاك الدّلال
للمذلّه والهضم والضّيم واركوب الجمال
جيت والله امأمّنه او حولي من اخواني أبطال
ما دريت الدّهر يفْجَعني بَخويه او عزوته