غزل ترکی عاشقانه: هر درده دوا دیر گؤلوشون سئوگیلی جانان

#‌شعر_ترکی #‌غزل_عاشقانه #‌ادبیات_ترکی #‌عشق_جاویدان #‌غزل #‌زیبایی_کلام #‌احساس #‌شعر_دلی #‌عاشقی #‌اشعار_ترکی
🌹🌹🌹

هر درده دوادیر گولوشون سئوگیلی جانان
سندن آلیری جانسیز اورک لحظه‌ده مین جان

سن سن بو گؤزل گونلریمین شانلی نواسی
قلبین سازینا زخمه نی چال، چال سنه قربان

دویغومدا گزیر خاطیره‌لر هر گئجه-گوندوز
چیخمیر خیالیمدان گوروشون آرزوسو بیر آن

چوخ قوشما-غزل گؤزلرینه بوشلودو شعریم
دفترله قلم ، قافیه لر، هامیسی حیران

گل ساچلاریمین اورمانینین ساکنی اول یار
ائت زلف پریشانیمی سن عشق ایله سهمان

سئودا یولونون جاذبه سی، غایتی سن سن
ایستیر اوره‌ییم کویونا اولسون اولو مهمان

عشقین اَلی دونیامیزی آباد ائده جک‌دیر
روحومدا گزیب یاره‌لری سن ائله درمان

حسنا نه گؤزل عشقینی تعریف ائله دین سن
شانلی غزلین قلب ائویمی ائیله دی تابان
🌹🌹🌹